54

Io mo veo Cecca co na scafareia

Che zeppa zeppa de cocozze sta,

Co n' uocchie e co na faccie che grelleia,

Chiammare: “Cicco, Cicco, viene ccà !”

Da lo mantrullo addove sieggio fa

Esce lo puorco e tutto se recreia,

E 'nnante ad essa de carrera va,

Che le gratta la panza e se ne preia.

Io, che lo veco accarezzare tanto,

Iecco no grutto e no sospiro, aimé,

Né pozzo fare a no' spara' lo chianto:

“O puorco, frate mio, viato te!

Pe sta' co Cecca e pazzïare accanto

D' essere puorco me contento, affé !”