58

Se tutte quelle volte che ve vien

Vògia d'esser chiavà, ve tochessé

La potta, d'ogni tempo ghe havessé

La man sora, alla fè. No dìghio ben?

Cusì digo del cul, né pi, né men,

Tal che, stando la man là, no possé

Né magnar, né far altro che vossé.

Mo co ghe fosse un cazzo là, sì ben.

No ghe manca mai carne in beccaria,

Mo vu ghe ne faressi ben mancar

Se se vendesse cazzi tàgia via.

Che tutti quanti vu i vossé comprar,

E mettaressi una gran carestia,

Perché vu sola ve vossé sfamar.

Mo possé ben crepar

A mettervene tanti in te la panza,

Benché de sto crepar l'havé per zanza,

Perché havessé speranza

Con quei che mettaressi da drio via,

Co' se i fusse borsette, esser varìa.