6

Cecca se mese dui galante zuoccole,

E dinto avea le scarpe co doi sole:

E quanta scarpisava 'n terra spruoccole

Tanta faceva nascere vïole!

Cadere me ne pozzano le mole,

Né cchiù mangiare torza, e manco vruoccole,

S' essa, co tanta sfarze e tanta gniuoccole,

Non parze lo stannardo de lo sole!

Iuro pe cierto ch' ogne zoccolata,

Oimé, che sentea 'scìrele da sotta,

Parette a st' arma mia na scoppettata!

Ognuno senca sta parola addotta:

Non fu la chiaia mia de na frezzata,

Ch' è stata de no zuoccolo na botta.