66

In st'acque de purissimo crestal

Vedo i balassi e i lucidi rubini

Fatti da ghiozzi de diversi vini,

Che par che i pianza a vederme a star mal.

In ste zoie, in ste perle oriental,

Ghe ride mile amori pizzenini,

Che con quei cari gesti da puttini

Par che i me fazza intorno un carneval.

Porta la vista sto tributo al cuor,

Che, col sente la insolita dolcezza,

El me manda ogni spirito in amor.

Quela che, san, m'usé tanta fierezza,

Porìa ben farme a torno ogni saor

Che me curasse de la so belezza.