67

Vu savé pur se xe do mesi e più

Che vegno a vostra instanza ogni dì qua,

Vu savé pur se son inamorà,

E se amo fia più bela altra che vu.

Vu savé molto ben se ve ho vogiù

Più ben a vu che a chi ve ha inzenerà,

Savé se quando m'havé comandà

Me son levà da mezanotte su.

E adesso mo che ve domando che

(E tuto quanto el zorno ve son drio)

Amé el vostro meschin, vu me 'l neghé?

Pur, za che ve trazé del fato mio,

E che tanti mie preghi no stimé,

E ve ne incago, e sì me cazzo in rio.