7

Era 'ntrato lo sole 'n Crapecuorno,

E cose se vedettero sforgiose:

Lucìjo cchiù de la notte chillo iuorno,

Né stelle comparettero marfose!

Tornaino fi' a le chiaveche adderose,

Da Napole sbegnaie ogne taluorno,

E chino se vedette de cchiù cose

De l' abbonnanzia prodeca lo iuorno;

Pe ss' uorte nce nasci' tutto lo bene,

Lo vruoccolo spicaie sùbbeto 'mmuolo,

E se fece ogne turzo quanto a mmene;

Lo maro grillïaie 'mmiezo a lo Muolo,

Cantàino a lo Mantracchio le Serene,

Et ogne aseno parze rescegnuolo.