93

En somo stato ti conserve Amore,

dolçe Floruça, fin che tu vivrai,

cum più deleto ch'i' non ò tutore.

Da ti mi parto: veròti çamai?

Dove io sia, serò to servitore,

sempri laldando ço che tu mi dài,

pena, tormento e çascun dolore:

come ti piaçe mi contento asai.

Adeo, Floruça, adeo, adeo, adeo:

pregote ch'el ti sia recomandato

quel ch'i' te lasso, ço è lo cor meo;

e de lüi te prenda alcun pecato,

ché 'l no tormenti: come farò eo,

for d'onni bene, quasi desperato?

Cum tuta fede Merçede ti chiama,

che tu ami sì fermo cum'el ama.