De invischiare la uigna per le rughe.

Se per usança le rughe fa dano

Alla uigna, fa come certi altri fano:

Tuo' uischio de carro terci dui,

E de sunça colada un terço toi,

E mitelo al foco e fallo disfare

Tutto insieme bene incorporare,

E poi cerca e s'el ti par duro,

Rigungeli anche de la sunça puro,

Una onça dico per ciaschuna liura

E serà allora de la bona lega.

E poi ne piglia un poco cun un dito

E ungi bene lo capo de le vite

Disotto dalli ochi ne lo capo novo,

Che li è di bisogno e li fa luoco;

E le rughe andar su non porano

A li ochi de le vite affarli dano.

E a questo modo scamparà la vigna

Che de ruge non averai la tigna.