III: De non confidendo

Tu, homo chi vai per via

san e zovem e fresco e forte,

non andar per vïe torte

como nave senza guìa.

Ché, se lo mundo par che ria

e vita longa deporte,

aspeita de döe xorte:

o vejeza o marotia.

Donca faza vigoria

no te ingane ni conforte,

ni re' vento alcun te porte

donde inderé alcun no sia.

Lavora fin che n'ài baylia

anti ca l'ora te straporte

donde no se pò dar storte,

ni aver alcuna aya.

Tuta la scritura cria:

poi che seràm serrae le porte,

za no serà chi te reporte

a remendar chi marvaxia.

E' no te digo boxia

chi vanamenti te conorte:

se poi tornam gente morte,

quelli chi sum passai ne spia.