III

Passaie lo tiempo ch'io scriveva priesto:

Mo, frate, scacarria quanto aggio scritto

Pe crepantiglia, e pe bedere schitto

Ca maie fortuna no' me ieze a siesto.

Stongo ielato che nce vò no tiesto,

Vedenno la vertù ch'è iuta a mitto:

Ca manco na menestra de zoffritto

Truove pe vierze. Penza mo lo riesto!

Tu vernoleia e canta a boglia toia,

Ch'a ssi Princepe granne pesarise

Ascie panno a tagliare, e campe 'n gusto:

Ca io, perché è bacante la tremmoia,

Lo colascione a no sammuco appise,

E me colano st'uocchie comme arrusto.