IX: Ad mutandum se de una domo in alia[m]

Chi de novo se stramua

ê hatra abitacïon,

per aver reisego bon

e ventura benastrua,

digage esta oratïon,

chi me par soficïente

se se dixe atentamente,

com pura devocïon:

«Jeso Criste, Segnor De',

chi tanto Ve humilïasti

. . . . . –asti

entrando en ca' dô Zaché',

poi che a lui acompisti

zo ch'el avea dixirao

fazando lui consorao,

soa casa benëixisti:

voi consejai questa maxon;

e queli chi star ge dém,

fornìli de tuto ben

con abondever beneixon;

e gi sëai defensïon

contra ognuncana aversitae;

e gi da' prosperitae

con intrega salvation».