VII: Contra blasfemia[m] domini papae

De monti homi che vego errar

gram maraveja me fazo,

chi mai non vorem crivelar

so dito con bon sëazo,

chi presuman pregar morte

e jasmar meser lo papa:

tegnando–lo veire forte,

'li ferràm su dura japa.

Poi che vicario è de De',

i omi lo dém pur obëir;

ma quar 'lo sëa, bon o re',

for' De' l'à pur a definir.

E queli chi penser no fan

chi eli sum e chi elo è,

sapi pû che eli se dam

de greve sapa su lo pe.

Dê, quanto se confonde e como

(crux)(crux) pregando che Segnor si ne vegna,

per che tegnuo sì e ogn'omo

pregar De' che lo mantegna!

Dê, como perde bon taxer

e pur si mesteso ingana

chi, senza guagno alcun aver,

poi soa lengua se condana!