XXXVII.

L'è fata una provixion novella

Che i nodar nostri vendan (i) calamari,

E che ciaschun a uxurare impari

Che quello è el modo da inpir la scarsella.

Perché 'l sta in cho de lovo la Chiarella,

Che i suoi servixii a nesum sum avari;

Ma ciò se pò mal far senza dinari,

De che la nodarìa non ne favella.

Ben che ogni dì se fa boteghe nove

Non per guadagni che sen' speri avere,

Ma per stare a coverto quando piove.

La nodarìa se vuol lassar godere

Ay fumanti, a' villan e a gente nova,

Che omay ze cazan tutti da sedere;

Ma caschar possa el brazo, el fiancho e l'ancha

Al primo che a nessun dà fava bianca.